أنا عليك أغار من كل مخلوق

يقول الشاعر عبد الله القحطاني في غيرة الرجل :

أنا عليك أغار من كل مخلوق

ليتك تحس بغيرتي والموده

مانيب متسرع ولكن لي حقوق

ويقال شي تستحي منه بده

وانا ادري انك مثل قمرا سما فوق

غيري يبيك وكل شي يرده

كلن يشوفك نظرة الموق للموق

لكن من اللي تاصلك بس يده

وكم واحد صدر وورد بلا ذوق

رده مداه وقاصر ايديه رده

وانا ادري اني فيك مانيب ملحوق

بيني وبين الغير مده ومده

لك حق عشاق ولي حق معشوق

ان كل واحد توقفه عند حده

وجهي غدى من كف الاحزان مصفوق

باقي على وجهي لك اثار يده

ويقول آخر :

أغار من سواقها الاندونيسي

و من شلّة كان ازعجوها بترقيم

وأغار أنا في كل ليلة خميسي

الى طلعت للسوق أو مع معازيم

واغار انا من كل نذلٍ خسيسي

يرسل لها عبر الوسايط تقاسيم

واغار من غصنٍ عليها يميسي

في روضةٍ يسكر زهرها من الغيم